Post Page Rank

Geskei van die Wet

[Rom 7:4 So, my broeders, is julle dan ook ten opsigte van die wet dood deur die liggaam van Christus, om aan 'n ander te behoort, naamlik aan Hom wat uit die dode opgewek is, sodat ons tot eer van God vrugte kan dra].

Hierdie vers sê dat ons gesterf het vir die Wet sodat ons kan vrugte dra. Dit impliseer dat as ons nie tot opsigte van die Wet gesterf het nie, dat ons nie vrugte kan dra nie. Wat is vrugte? Dit is die resultaat van die Heilige Gees wat deur ons leef (Gal 5:22-23), die eksterne manifestasies van Sy karakter, en nie ons eie pogings om “heilig” te probeer leef nie. In pleks van om die Heilige Gees deur ons te laat leef, onderdruk ons Hom wanneer ons God se goedkeuring probeer verdien deur ons pogings om die Ou Testamentiese Wette te gehoorsaam.

As kind is ek in ‘n baie konserwatiewe Christen huis grootgemaak, gemaak om elke Sondag kerk toe te gaan en Sondagskool by te woon (waarvoor ek terloops baie dankbaar is), maar ek het geleer om teenoor God te identifiseer op grond van my eie vlak van gehoorsaamheid. Vir ons finale jaar Sondagskool eksamen (kan jy glo dat so iets bestaan??) net voordat ons in die kerk “aangeneem” is, moes ons ‘n toets skryf wat onder andere ingesluit het dat ons die 10 gebooie woord vir woord moes neerskryf. Ek het die hoogste punt in die klas gekry met 98%, en ek het baie goed oor myself gevoel en gedink dat ek ‘n model Christen was. Maar net die volgende week het ek myself gevang dat ek onrein gedagtes gehad het en ek het die aand op my kniëe spandeer, gehuil en God gesmeek vir vergifnis, want nou was ek weer ‘n “slegte Christen”.

Hierdie is ‘n patroon in die lewe van meeste Christene wat onder die Wet leef: Die een week sal jy ‘n goeie week hê en voel dat jy nie te veel foute gemaak het nie en dat God tevrede is met jou. Maar dan sal jy jouself betrap dat jy daardie EEN ding doen wat jy hoog en laag gesweer het jy sal nooit weer doen nie, en jy is weer terug by die begin. Die Wet vereis ‘n vlak van gehoorsaamheid wat geen mens in staat is om te bereik nie, en soos ons almal weet is die straf vir ongehoorsaamheid die dood. En dit is waar Jesus inkom: Hy het ‘n sondelose lewe gelei, AL die vereistes van die Wet volbring en dit effektief beëindig (Matt 5:17-18). Jesus het die houvas van sonde vernietig (sonde wat bekragtig is deur die Wet) deur die gevolge / straf vir sonde heeltemal te verwyder. [1 Cor 15:56 Die angel van die dood is die sonde, en die krag van die sonde is die wet]. Hy het ons ook vrygemaak om sonder vrees vir straf ( 1 Joh 4:17-18) en vry van die krag van sonde te leef. [Rom 6:14 Want die sonde sal oor julle nie heers nie; want julle is nie onder die wet nie, maar onder die genade].

Wanneer twee mense trou, sluit hulle ‘n verbond om getrou aan mekaar te bly totdat die dood hulle sou skei. Nou terug in die ou dae toe mense se woord steeds iets beteken het, kon ‘n verbond nie verbreek geword het behalwe deur die dood van een van die betrokke partye nie. Nou presies dieselfde geld vir ‘n verbond / eed / gelofte wat gemaak is deur God. Wanneer God ‘n verbond sluit, SAL dit in krag kom en geldig bly vir ewig. So toe God ‘n verbond gemaak het met Israel en aan hulle die 10 gebooie en die Ou Testamentiese Wet gegee het, was die enigste manier vir hulle om uit daardie verbond te kom om dit te vervul, of om te sterf as hulle dit breek. Nou let op die volgende: Jesus Christus het die Ou Testamentiese verbond volkome vervul (en AL die sëeninge ontvang vir perfekte gehoorsaamheid aan dit) en Hy het selfs verder gegaan en namens die mensdom gesterf want hulle kon nie hulle deel van die verbond nakom nie (Jesus het al die straf en vloeke vir ons ongehoorsaamheid ook gedra). Nou as dit nie liefde is nie, dan weet ek nie wat is nie…

Nou deur eenvoudig ons geloof in Christus te plaas, sterf ons ook vir die Wet (en al die vloeke vir ongehoorsaamheid) en word ons lewendig vir God (en deur Christus ontvang ons AL die sëeninge vir Christus se gehoorsaamheid – [Ef 1:3 Geseënd is die God en Vader van onse Here Jesus Christus wat ons geseën het met alle geestelike seëninge in die hemele in Christus].

[Rom 7:1 Of weet julle nie, broeders want ek spreek met mense wat die wet ken dat die wet oor die mens heers so lank as hy lewe nie? 2 Want die getroude vrou is deur die wet aan die lewende man gebonde; maar as die man sterwe, is sy ontslae van die wet van die man. 3 Daarom dan, as sy 'n ander man s'n word terwyl haar man lewe, sal sy 'n egbreekster genoem word; maar as die man sterwe, is sy vry van die wet, sodat sy nie 'n egbreekster is as sy 'n ander man s'n word nie. 4 So, my broeders, is julle dan ook ten opsigte van die wet dood deur die liggaam van Christus, om aan 'n ander te behoort, naamlik aan Hom wat uit die dode opgewek is, sodat ons tot eer van God vrugte kan dra].

[Gal 2:19 want deur die wet is ek vir die wet dood om vir God te lewe].

Wanneer ons besef dat ons eintlik dood is vir die Ou Testamentiese Wet, sal ons ophou om teenoor God te probeer identifiseer op die basis van ons eie vlak van gehoorsaamheid, en Hom eenvoudig liefhê want Hy is ‘n goeie Pa. Verby is die dae van Moets en Moenies, van ons wat rondhardloop soos slawe en probeer om te voldoen aan die vereistes van die ou man / eggenoot van die Wet, wat ons rondklap en altyd meer en meer vereis! Ons leef in die dae van om getroud te wees met ons nuwe bruidegom, Jesus Christus, wat ons liefhêt want ons is Sy stralende bruid, Sy geliefde kerk!! Halleluja!!!!

In Genade
Andre van der Merwe

This entry was posted on Wednesday, October 28th, 2009 at 9:49 am and is filed under Previous Messages. You can follow any responses to this entry through the RSS 2.0 feed. You can leave a response, or trackback from your own site.